5- نبراس الراشدي

اكتشفت قلمي بعد ما كنت أكتب عبارات بسيطة في قصاصات ورقية ملونة و أحطها على طاولة المدرسة  ما كنت وقتها حاسة بشعور إني أكتب أو ممكن أصير مؤلفة، وقتها معلمتي طلبت مني أجمع كل شيء في دفتر صغير و أقدمه لها، عطيتها و حطت لي في كل صفحة عبارة تحفيزية  و بالنهاية كتبت لي نص في نهايته ' دمتِ نبراسًا في عالم القلم و الكتابة' منها فهمت هالشيء و استمريت فيه.  و قررت أنشره بعد ما صرت أنشر بعض النصوص في مجموعات الواتس اب  و الكل أُعجب باللي كنت أكتبه و شجعوني على هالشيء بس انتظرت المرحلة الجامعية  ما حبيت أنشر وأنا بالمدرسة و الناس تستهين بمجرد معرفتهم إني صغيرة لما نشرت إصداري الأول ما كنت متوقعة النجاح اللي وصلت له من المعرض الأول اللي نزل فيه الكتاب و لا توقعت ان الناس راح يحبون قلمي هالكثر  بالبداية كنت خايفة من الخطوة، لأني ما حذيت مشورة أحد عطيت نفسي فرصة اني أتخذ قراراتي المهمة بنفسي والحمد لله هالشيء كان تأثيره إيجابي كثير  صارت ثقتي بنفسي و قدراتي أكثر رغم اني من الناس الخجولة اللي ما ممكن تتكلم مع أحد بسهولة